Се приближува Фајрфокс 1.0 на македонски

Tags: 

После долга работа, Фајрфокс 1.0 на македонски е скоро готов. За оние кои не го пробале еве го XPI-то кое ќе го направи вашиот Фајфокс на македонски. Октако ќе го инсталирате XPI-то, треба да го стартувате Фајрфокс со опцијата: -UILocale mk-MK -contentLocale MK и тоа е тоа.

Наскоро ќе има и официјален македонски Фајрфокс билд достапен на страниците на mozilla.org. Stay tuned.

Слободен софтвер, слободно општество

Tags: 

Денес, јас и Дамјан (и неговиот лаптоп :)), како претставници на Слободен софтвер Македонија, одржавме две предавања за слободниот софтвер на студентите на новинарство на правниот факултет. Предавањата траеа од 12 до 16 часот, т.е. во стандардниот термин за часови по информатика на овие студии. Предавањата се концентрираа пред се на филозовските и етичките прашања кои се основа на слободниот софтвер, но и на ширењето на овие идеи во другиот дигитален свет: филмовите, музиката, текстовите на интернет и сл.

Слободата секако беше главната тема.

Покрај освртот кон слободната како главно прашање зборувавме и за заедницата, за луѓето кои работат на и со слободен софтвер, за creative commons, за авторските права и патентите. Зборувавме и за софтверот и неговата практична употреба, и за тоа каде можете да најдете слободен софтвер и како можете да го користите: дали е лесен за употреба? Да секако! Секако, направивме и осврт кон позитивните влијанија и користи кои општеството во целина може да ги има од користењето и поддржувањето на слободниот софтвер, со посебен акцент на образованието, економијата и јавните служби или државата.

Предавањата всушност траеја по еден час (60-тина минути -- значи две предавања, едно за студентите од втора и едно за студентите од трета година) по што следеше кратка пауза и можност студентите да поставуваат прашања, или пак да отпочнат некоја дискусија. Ова за жал не се случи баш онака како што се надевавме, но сепак неколку студенти си поиграа со лаптопот на Дамјан кој работи на слободен софтвер. Исто така поделивме околу 40-тина дискови TheOpenCD. Искрено се надевам дека оние кои ги земаа дисковите ќе го искористат и софтверот кој се наоѓа на нив.

Ова е втора година како студентите на новинарство слушаат предавања за слободен софтвер, и мислам дека би било добро оваа тема да стане постојан дел од нивната настава -- или се надевам дека и другата година ќе правиме вакво предавање. Секако би било добро вакви предавања да има и на другите факултети од општествените науки (не ги споменувам ПМФ-информатика и ЕТФ, бидејќи сметам дека таму секако слободниот софтвер мора да се употребува и учи) каде информатиката е дел од наставата, па ако некој одлучи да поведе ваква иницијатива, јас, Дамјан и лаптопот сме спремни и чекаме. :)

И конечно, благодарност до професорот Ѓорѓе Иванов и Миша Поповиќ кои се грижат за организирањето на овие предавања.

Забелешка:

Овие предавања на Правниот факултет се одржуваат веќе две години по ред (2003 и 2004), некаде во ноември, на часовите по информатика на студиите за новинарство има предавања за слободниот софтвер.

Презентациите што се приложени овде се дел од тие предавање. Тие се прилично обемни и се добра рамка за секој кој би сакал да зборува на историјата на слободниот софтвер и неговото општествено значење.

Колку чини Линукс кернелот?

Tags: 

Приказнава започнува навистина интересно. Извесен Jeff V. Merkey на 7ми октомври понудил 50.000 долари на линукс кернел мејлинг листата за да добие копија од кернелот под БСД лиценца (која што подоцна може да ја направи неслободна - хехе). Неговата понуда била веднаш одбиена, и за тоа нема што повеќе да се зборува. Интересното е што понудава била повод да се пресмета колку навистина чини кернелот.

Првичната пресметка е дека чинел некаде околу 176 милиони долари. Но, Дејвид Вилер се помачил и пресметал дека за да се направи 2.6 линукс кернелот во овој момент во еден затворен систем потребни се 612 милиони долари. Така вистинската вредност на кернелот е некаде во милијарди. (Логично нели, бидејќи за да се исплати да го правиш цената на чинење треба да биде поголема од вредноста која ќе ја оствари производот на пазарот.)

И сега, замислете, вие си возите такво кернелче за беспари. Добра ли е слободата или не?

Текстот е тука. И ако по некоја случајност ви се чита уште нешто од Вилер ова не смеете да го пропуштите.

Малку новости...

Tags: 

  1. Mozilla наскоро ќе работи со QT и KDE „natively“ -- како и да се преведува ова. Кратката вест е ова. Очигледно ова е сѐ уште свежо, прво издание. Повеќе информации има на блогот на типчето (мртва врска).
  2. Нова германска студија од Soeren Research кажува дека софтверот со отворен код ги намалува TCO за 30%, при што заштедите се поголеми за поголемите корисници. Веста ја има на многу места, па и тука, ама не успеав да го најдам и самото истражување на Soeren.

Нови веб страници за ОССМ

Tags: 

Помина некое време (околу 2 недели?) од кога идејата за нова страница за Слободен софтвер Македонија повторно заживеа. Покај првичниот ентузијазам, скоро и ништо да не се случи. Последниве ден-два размислував за конкретните содржини на сајтот и за структурата. Меѓу другото одлучив, додека чекаме да не просветли некаков лесен, по стандардите на W3C, но cutting edge дизајн, да се за занимавам со прибирање на потребните матријали и градење на структурата во обичен црно-бел HTML. Можеби дел од резултатите ќе се појават на wiki-то на Слободен софтвер Македонија, а може и нема. :)

П.С. Со ова темпо, ќе биде добро ако имаме нова страница до Нова Година.

OS, спамери, цртежи...

Tags: 

Денес пак се зезав на интернет. Меѓу другото го искликав стартиот квиз „Кој оперативен систем си ти?“. Јас испаднав Slackware. После најдов уште еден квиз „Кој спамер си ти?“. Таму се усреќив со извесен Лоренс Оби.

На крај, од клик - на клик, се вратив на Wikipedia и јапонските цртежи-девојки за оперативни системи. И уште вакви сликички (и стрипчиња) тука. :)

Бесконечни заебанции со Mozilla

Tags: 

Вчера се занимавав со update на преводите на производите Mozilla, поточно со новиот Firefox и Thunderbird -- и еден куп глупости! Не знам што се случува со тие jar-овите кои се за превод, не знам дали луѓето од Mozilla цело време нешто менуваат или јас цело време нешто правам погрешно... ама смачено ми е со секое издание да се заебавам со инсталирање на преводот по 100 саати.

Плус со 1.0PR одлучиле да стават само еден jar со стрингови за локализација, и тој дополнително ме изнамачи со увозот на веќе постоечкиот превод. Невидени глупости. Ќе го направат ли овој процес некогаш да работи, онака стандардно, од прва?

П.С. Денес е car free ден во Европа. Па пробајте пешки...

Creative Commons за ЗВР

Tags: 

Creative Commons издаде нова лиценца која се однесува на земјите во развој, поточно на авторите кои живеат во земјите во развој (како Македонија). Лиценцата им овозможува на авторите да дозволат нивните дела со големи слободи да се користат во земјите во развој, додека во развиените земји би се применувале стандардите услови на законите за авторски права (се разбира, освен ако авторот не одлучи поинаку).

Мислам дека нема што многу да се објаснува многу околу ова. Доколку оваа лиценца фати моментум, земјите во развој ќе можат многу полесно да соработуваат меѓу себе без да се плашат дека нивната интелектуална сопственост ќе биде потценета од развиените.

Инаку, одамна мислам да напишам нешто повеќе за Creative Commons, ама никако да стигнам. Па да ја искористам приликата да ве упатам на 2-3 врски плус:

  • Листа на сите Creative Commons лиценци;

LOTR имиња

Tags: 

Не знам дали ова се појавило во нашиот дел од интернет до сега. Јас денеска прв пат го видов, па еве го овде: генерирање на хобитски и елфовски имиња (мртва врска).

Јас испаднав Polo Goodbody of Frogmorton и Elwë Singollo.

Сепак не ми успеа да добијам име ако си го внесам моето на кирилица.

Линукс.нет.мк: upgrading...

Tags: 

Пошто Томе (мртва врска) одлучил да спомне нешто, еве јас да појаснам. Сабејлечки кликам на linux.net.mk обележувачот, и оп, гледам албански знамиња и други обележја на страната. Си мислам некој да не се зезал, му ѕвонам на Стојмир и констатираме дека станува збор за the real thing.

Испаѓа дека извесен mhz искористил некој (додуше прилично стар) exploit и го рокнал сајтот. Пото брзо, брзо се пофалил (затворен форум) кај другарите. Таму ќе видите и кој се друг бил жртва на малата вжештена глава.

Искрено не верувам дека mhz е од Македонија, но кога би дознале дека е, радо би му стегнале една тужба. И така новиот кривичен закон е добро среден за ваквиот криминал.

А да, и две слики од кракот:

Pages